خرج مطرب الراب تووليت، للرد على تصريحات الفنان رامي صبري، بعد لقائه ببرنامج «حبر سري» أمس الجمعة، الذي تقدمه الإعلامية أسما إبراهيم.
وكتب تووليت، عبر صفحته على موقع تبادل الصور والفيديوهات «إنستجرام» خلال خاصية «الاستوري»، قائلا: «جرب تركز في المزيكا أكتر وبلاش تقول رأيك اللي ملوش أي لأزمة بالذات لو في حد ناجح أكتر منك وأصغر منك سنا خليك قدوة وشجع الناس يا محبوب».
ويجز لـ رامي صبري: أنت مش رقم 2 يا رامي أنت رقم 19 مثلًا
ومن جانبه، علق ويجز، عبر خاصية «الإستوري»، على موقع تبادل الصور والفيديوهات الشهير «إنستجرام»، ونشر مقطع قال خلاله: «هتكلم على فنان فاكر أن عنده صلاحيات أنه يتكلم علي أي حد ومفكر الناس المفروض تسمع وتسكت».
وتابع ويجز، قائلًا: «الفنان دا اسمه رامي، كل 5 أو 6 شهور لما يزهق يطلع على التليفزيون يتكلم على بتوع الراب، طيب هتتكلم أمتى على البوب اللي أنت منهم؟ هتتكلم على فنك ومجالك أمتى؟».
وأضاف ويجز، قائلًا: «أنا شايف أنك مابتفهمش في الراب حاجة ولا بتفهم الكلام بتاعه زي ما أنت قولت قبل كدا فمش هتعرف تعمله».
واستكمل ويجز هجومه قائلًا :"أنا مثلا لو لقيت واحد بيعرف يسوق عجلة وأنا مبعرفش بحترمه عشان هو عمل حاجة غير اللى أنا عملتها، هو أكيد اشتغل على نفسه في حاجة أنا ماشتغلتش على نفسي فيها".
وأردف ويجز، قائلا: «أنت مابتقدرش الفنانين أنت شايفهم بيحاولوا يوصلوا للمستوى اللي أنت فيه مع إنهم معدينك بكتير أنت مش رقم 2 يا رامي أنت رقم 19 مثلًا، أنت بعيد أوي يعني».
