هيثم نبيل: تامر حسني كان أول واحد موجود في بيت رحيم

حرص الفنان هيثم نبيل، على توجيه رسالة خاصة إلى الفنان تامر حسني، وذلك بعد دعمه الشديد لأسرة الملحن الراحل محمد رحيم في حياته الأخيرة.

وكتب هيثم نبيل، عبر صفحته على موقع التواصل الاجتماعي «الفيس بوك»، قال: «عايز تعرف كرم ربنا وتوفيقه بييجي منين دور في الباطن مش في الظاهر، رحيم كان أول ملحن جنب تامر حسني في بداية مسيرته ولما روحت الفجر لبيت رحيم كان تامر حسني وحسام وكل فريق عمل تامر أول ناس موجودة في بيت رحيم وجنبه في نهاية مسيرته الحياتية».

وتابع: «الأصل الطيب بيظهر في المواقف دي وهو ده الباطن لسبب توفيق ربنا وكرمه مفيش نجاح كبير موارهوش أسباب بعيد عن اللي بتقدمه، اللي بتقدمه لأهلك وللي حواليك هو السحر الرباني اللي بيجري بيك قبل أي شطارة واجتهاد.. دور ورا أي توفيق هتلاقي سبب إنساني».

وأضافت:« البوست ده مش في حق تامر لأنها حاجة مش جديدة الكلام ده للناس اللي مش فاهمة حكمة ربنا في كل حاجة بتشوفها وبتضعف اشتغل على الباطن يأتيك الظاهر».

موعد تشييع جثمان محمد رحيم

وأعلنت أنوسة كوته، زوجة محمد رحيم، عن موعد ومكان تشييع جثمان زوجها عبر حسابها الشخصي، على موقع التواصل الاجتماعي "فيسبوك".

وكتبت زوجة محمد رحيم، قائلة: «بسم الله الرحمن الرحيم (يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي) صدق الله العظيم».

وتابعت زوجة محمد رحيم، قائلة: «يوم الأحد الموافق 24 نوفمبر، بعد صلاة الظهر، صلاة الجنازة في مسجد الشرطة 6 أكتوبر، الموسيقار/محمد رحيم، أنا بحبك».